ნახევრად შიშველი აქტივისტები ძალადობრივად დაშალეს კიევში საქართველოს საელჩოს თანამშრომლებმა. დემონსტრაცია საქართველოში ჯაშუშობისთვის დაკავებული ფოტორეპორტიორების მხარდასაჭერად გაიმართა. გავრცელდა ინფორმაცია, რომ შეტაკებისას ადგილობრივი ჟურნალისტი დაშავდა. მოძრაობა „FEMEN“-ის წარმომადგენელი ქალების ჯგუფი კიევში საქართველოს საელჩოს წინ შეიკრიბა დიდი ხელოვნური ფოტოაპარატებით და პოსტერებით ”არა ფოტოებს - არა დემოკრატიას!”. დემონსტრაციის განმავლობაში, რომელიც საქართველოში დაკავებული ფოტორეპორტიორების მხარდამჭერი საერთაშორისო კამპანიის ნაწილი იყო, საელჩოს შენობიდან მამაკაცი გამოვიდა და თავს დაესხა წელს ზემოთ შიშველ აქტივისტებსა და ერთ-ერთ ჟურნალისტს, რომელიც აქციის ფოტოებს იღებდა. მოგვიანებით გაირკვა, რომ თავდამსხმელი კიევში საქართველოს საელჩოს ერთ-ერთი თანამშრომელი იყო. „FEMEN“-ის აქტივისტების აზრით, საელჩოსთან მომხდარი ინციდენტი მხოლოდ ადასტურებს ”საერთაშორისო საზოგადოების ეჭვს იმის თაობაზე, რომ ოფიციალური თბილისი მედიაფობიურია.” წყარო: http://rt.com/news/campaign-femen-georgia-photojournalist/ იხილეთ ვიდეო: Femen in front of Georgian Embassy