ევროპრაიდი მნიშვნელოვანი შესაძლებლობაა ევროპის ლგბტქი ადამიანებისათვის რეგიონში მიღწეული პროგრესის დასანახად და იმ წარმატებების აღსანიშნად, რომლებიც მიღწეულ იქნა სამართლებრივი თანასწორობისა და სოციალური მიმღებლობის სფეროში. ამავე დროს, ევროპრაიდი, მნიშვნელოვანი შესაძლებლობაა დარჩენილი პრობლემების გადაჭრისათვის გზების საძებნელად.
განსაკუთრებით მნიშვნელოვანია ის, რომ წელს ევროპრაიდი ტარდება იტალიაში, სადაც ევროკავშირის წევრ ქვეყნებს შორის ყველაზე უარესი სამართლებრივი სისტემა გვხვდება ლგბტქი ადამიანების საკითხებთან მიმართებაში. ეს მკაფიოდაა აღნიშნული „ილგა–ევროპას“ თანასწორობის ნუსხაში”.
ილგა–ევროპა მსვლელობის მოწინავე რიგებში იქნება წარმოდგენილი და მოუწოდებს რომში მყოფ მხარდამჭერებსა და მეგობრებს, შეუერთდეს ევროპრაიდს. მსვლელობაში მონაწილე „ილგა–ევროპას“ ჯგუფი, ყურადღებას გაამახვილებს ევროპაში არსებულ მდგომარეობაზე და ევროპის მასშტაბით სხვადასხვა ქვეყანაში ლგბტ ადამიანების სამართლებრივი მდგომარეობის აღმნიშვნელი დიდი ცისარტყელა-დროშა ექნება.
წყარო: www.ilga-europe.org
