17 მაისს ჰომოფობიის წინააღმდეგ საერთაშორისო დღესთან დაკავშირებით, არშამ ფარსიმ, ტორონტოში მდებარე ”ირანული რკინიგზა ქვიერ ლტოლვილებისათვის” დამაარსებელმა, მოუწოდა ირანელ გეი ქომიუნითის წევრებს, გაეზიარებინათ საკუთარი გამოცდილება Facebook-ზე დადებული პოსტებითა და ვიდეოებით. მოწოდების საპასუხოდ ათეულობით ირანელმა გადაწყვიტა, რომ ”სამალავიდან” გამოსულიყო.
ამჟამად ჰომოსექსუალი, ბისექსუალი და ტრანსექსუალი ადამიანების უფლებები ირანში არ არსებობს. ყოველგვარი სექსუალური ურთიერთობა ტრადიციული ქორწინების გარეთ არალეგალურია და ღვთის ნების დარღვევად ითვლება.
შარიათის კანონის ირანული ინტერპრეტაციის მიხედვით, სოდომი ისეთი დანაშაულია, რომლისთვისაც ორივე პარტნიორი შეიძლება სიკვდილით დაისაჯოს. თეორიაში, სასიკვდილო განაჩენი შეიძლება მხოლოდ სრულწლოვან და კავშირში ნებაყოფლობით შესულ ჰომოსექსუალ პარტნიორებს შეეფარდოს. მიუხედავად ამისა, 2005 წელს ჩრდილოეთში მდებარე ქალაქ მაშჰადში ორი მოზარდი ბიჭი ჩამოახრჩვეს სექსუალური კავშირის ქონის გამო, ერთ მათგანი არასრულწლოვანი იყო.
2007 წელს, მაჰმუდ აჰმადინეჟადმა ნიუ იორკში, კოლუმბიის უნივერსიტეტში ყოფნისას განაცხადა, რომ ”ჰომოსექსუალები ირანში არ არსებობენ”.
